Ընտանիքում ապրելու երեխայի իրավունքների թեման են քննարկում ու բարեփոխումների փորձը փոխանակում:
Հայաստանի մանկատների երեխաների մեծ մասն ունի ծնողներ եւ այդ հաստատություններում է հայտնվել հիմնականում հաշմանդամության պատճառով: Երեւանում են Եվրոպայի եւ Կենտրոնական Ասիայի ավելի քան տասը երկրի երեխայի իրավունքի ոլորտի պատասխանատուներ, գործող ու նախկին օմբուդսմեններ: Ընտանիքում ապրելու երեխայի իրավունքների թեման են քննարկում ու բարեփոխումների փորձը փոխանակում: Վիճակագրության համաձայն՝ Հայաստանի հատուկ հաստատություններում մշտապես բնակվող երեխաների 80-90 տոկոսն ունի առնվազն մեկ ծնող եւ այնտեղ է հայտնվել սոցիալական կամ առողջական խնդիրների հետեւանքով:
