Թմրանյութը հարևան Իրանից մեր երկիր մտցնել է փորձել Թուրքիայի քաղաքացի Ֆերդի Օզդեմիրը՝ Վրաստանում գրանցված ընկերության սառնարան-բեռնատարի թաքստոցում:
Մաքսավորները կանխել են՝ առանձնապես խոշոր չափի՝ 105 կգ քաշով հերոինի ներկրումը Հայաստան: Թմրանյութը հարևան Իրանից մեր երկիր մտցնել է փորձել Թուրքիայի քաղաքացի Ֆերդի Օզդեմիրը՝ Վրաստանում գրանցված ընկերության սառնարան-բեռնատարի թաքստոցում: Մեղրիի անցակետում ռենտգեն-զննությամբ բացահայտված մաքսանենգ մեքենան ուժեղացված հսկողությամբ բերել են Երևան: Այստեղ արդեն՝ նաև Ազգային անվտանգության ծառայությունն է միացել թաքստոցից թմրանյութը հանելուն ու գործը վերցրել իր հսկողության տակ: Հայ-իրանական մաքսակետն այս առումով ամենառիսկայինն է՝ ասում են ՊԵԿ-ից:
