Պայթյունը հաջորդել է Կալինովկա քաղաքի մոտ՝ ռազմական պահեստում բռնկված հրդեհին:
Ուկրաինայի Վինիցիայի շրջանում զինամթերքի պահեստում տեղի ունեցած պայթյունների պատճառով մոտ 22 հազար մարդ է տարհանվել: Նախնական տվյալով՝ վնասվածքներ է ստացել մեկ մարդ: Պայթյունը հաջորդել է Կալինովկա քաղաքի մոտ՝ ռազմական պահեստում բռնկված հրդեհին: Պաշտպանության նախարարության պահեստներում, ըստ լրատվամիջոցների, 188 հազար տոննա զինամթերք կա, այդ թվում՝ Սմերչ, Ուրագան և Գրադ համազարկային կրակի ռեակտիվ համակարգերի հրթիռներ: