Օրակարգային հարցերի շարքում՝ ներկայացվել է այն հիվանդությունների ցանկը, որով տառապող բանտարկյալները կազատվեն քրեական պատասխանատվությունից:
Կառավարությունն այսօր՝ սովորականից 3 ժամ շուտ՝ վաղ առավոտյան է նիստ գումարել: Նախագծերն արագ քննարկել-հաստատել են, որ վարչապետն ու նախարարները հասցնեն մասնակցել Գործադիրի առաջարկով հրավիրված Ազգային ժողովի արտահերթին: Օրակարգային հարցերի շարքում՝ ներկայացվել է այն հիվանդությունների ցանկը, որով տառապող բանտարկյալները կազատվեն քրեական պատասխանատվությունից: Սեպտեմբերի 1-ին ընդառաջ՝ կառավարական կաբինետը կարգավորում է նաև դպրոցների ֆինանսական կարգապահության, տնօրենի հարս-աղջիկ-մերձավորներին գործի տեղավորելը սահմանափակելու խնդիրները: Խոշոր նախագծերից՝ Գործադիրը հաստատել է մարզերի զարգացման հինգ տարվա, նաև՝ պետության միջնաժամկետ ծախսերի ծրագիրը:
