Իր տարեդարձի միջոցառումներին մասնակցելու համար Ազնավուրը Հայաստան կգա:
Աշխարհահռչակ շանսոնյեն տոնում է ծննդյան 93 ամյակը՝ մայիսի 22-ին: Շառլ Ազնավուրը շարունակում է համաշխարհային շրջագայությունները: Իր տարեդարձի միջոցառումներին մասնակցելու համար Ազնավուրը Հայաստան կգա: Օպերայի թատրոնում՝ հունիսի 1-ին, նա ներկա կլինի «Քեզ համար, Ազնավո′ւր» խորագրով համերգին: Օպերայի և էստրադայի աստղերը կկատարեն Ազնավուրի հայտնի ու սիրված երգերը՝ սիմֆոնիկի նվագակցությամբ՝ Էդուարդ Թոփչյանի դիրիժորությամբ: Մայիսի 29-ին Ազնավուրը ներկա կլինի Ռուդոլֆ Խառատյանի «Լա Բոհեմ» բալետի պրեմիերային, որի երաժշտության հեղինակը Ազնավուրն է:
