Բնածին արատներով երեխաների համար նախատեսված տասը մանկատներում անցկացված ստուգումների ժամանակ պարզվել է, որ հարյուրից ավելի երեխա ու դեռահաս երկարատև սովահարության պատճառով մահամերձ վիճակում է:
Բելառուսում մանկական հատուկ հաստատությունների հետ կապված սկանդալը հանրային զայրույթի մեծ ալիք է բարձրացրել: Բնածին արատներով երեխաների համար նախատեսված տասը մանկատներում անցկացված ստուգումների ժամանակ պարզվել է, որ հարյուրից ավելի երեխա ու դեռահաս երկարատև սովահարության պատճառով մահամերձ վիճակում է: Այդ կապակցությամբ լայնածավալ հետաքննություն է սկսվել: Դատախազությունը հայտարարել է, որ երեխաները անմարդկային վերաբերմունքի և թերսնվածության զոհ են դարձել: Հատուկ դպրոցների մի քանի տնօրեն արդեն ազատվել է աշխատանքից: