«Ծիծեռնակ» ազգային երաժշտական մրցանակաբաշխությունը կհեռարձակվի Առաջին ալիքի եթերում: Հանրայինի հեռուստադիտողները հնարավորություն կունենան դիտելու այն ապրիլի 7-ին՝ ժամը 21:40-ին, «Օրակարգ» լրատվական ծրագրի հիմնական թողարկումից անմիջապես հետո:
«Ծիծեռնակ» ազգային երաժշտական մրցանակաբաշխությունը կհեռարձակվի Առաջին ալիքի եթերում: Հանրայինի հեռուստադիտողները հնարավորություն կունենան այն դիտել ապրիլի 7-ին՝ ժամը 21:40-ին, «Օրակարգ» լրատվական ծրագրի հիմնական թողարկումից անմիջապես հետո:
Հայաստանի Հանրապետության մշակույթի նախարարության նախաձեռնած «Ծիծեռնակ» մրցանակաբաշխությունը միտված է ներկայացնելու և խթանելու հայկական երաժշտության տարբեր ժանրերում ստեղծագործող արտիստների, ստեղծագործական խմբերի գործունեությունը, ինչպես նաև 2016 թվականի ընթացքում երաժշտության բնագավառում արձանագրված նշանակալի նվաճումները:
Տեղեկացնենք նաև, որ «Ծիծեռնակ»-ների արժանացած արվեստագետների ու ստեղծագործական խմբերի թվում էր նաև Առաջին ալիքի «Երգ երգոց» հաղորդաշարը՝ որպես տարվա լավագույն համերգային ծրագիր:
