Հանրայինը կներկայացնի մի շարք ֆիլմեր և ծրագրեր՝ նվիրված ՀՀ Զինված ուժերի կազմավորման հոբելյանին:
Հայոց բանակի 25-ամյա հոբելյանի շրջանակում, Հայաստանի հանրային հեռուստաընկերության եթերում կկայանա սիրված ու քննարկված «Կյանք ու կռիվ» ֆիլմի հեռուստապրեմիերան: Այն տեղի կունենա Առաջին ալիքով, հունվարի 28-ին՝ ժամը 21:30-ին:
Բացի այդ, Հանրայինը կներկայացնի մի շարք ֆիլմեր և ծրագրեր՝ նվիրված ՀՀ Զինված ուժերի կազմավորման հոբելյանին. այդ թվում՝ «Հայոց բանակ 25», «Քառաթև հաղթանակ», «Հանուն կյանքի», «Ուրվականը. Հրայր Դժոխք», «Թաթուլ Կրպեյան» փաստավավերագրական, ինչպես նաև «Մի վախեցիր» գեղարվեստական ֆիլմերը: Տոնական օրվա շրջանակում բանակային խրոխտ ու սիրված երգերով հանդես կգա «Երգ երգոցը»:
Հայոց բանակի 25-ամյակին նվիրված տոնական համերգը Հանրայինի եթերում կլինի հունվարի 29-ին՝ ժամը 21:40-ին:
