Գերմանիայի արտաքին գործոց նախարար Ֆրանկ-Վալտեր Շթայնմայերը կոշտ արձագանք է հնչեցրել վերաբերյալ Թուրքիայի արտգործնախարար Մևլութ Չավուշօղլուի հայտարարությանը, թե ԳԴՀ իշխանությունները պետք է հրաժարվեն Հայոց ցեղասպանութունը ճանաչող օրենքից:
Գերմանիայի արտաքին գործոց նախարար Ֆրանկ-Վալտեր Շթայնմայերը կոշտ արձագանք է հնչեցրել վերաբերյալ Թուրքիայի արտգործնախարար Մևլութ Չավուշօղլուի հայտարարությանը, թե ԳԴՀ իշխանությունները պետք է հրաժարվեն Հայոց ցեղասպանութունը ճանաչող օրենքից:
Գերմանական Deutsche Welle-ի փոխանցմամբ, Շթայնմայերը հայտարարել է, որ եթե Թուրքիան շարունակի արգելել Բունդեսթագի պատգամավորների մուտքը ռազմաբազա, «Իսլամական պետություն» ահաբեկչական խմբավորման դեմ պայքարելու նպատակով Ինջիրլիքում գտնվող գերմանացի զինվորները դուրս կգան այնտեղից:
«Քանի որ Ինջիրլիքում օտարերկրյա զինվորական առաքելությունների հարցը հաստատում է Դաշնային խորհրդարանը, ապա անհրաժեշտ է, որ պատգամավորները կարողանան այցելել առաքելության վայր»,- ասել է Շթայնմայերը:
Նա նշել է նաև, որ Չավուշօղլուի պահանջը՝ հրաժարվել Հայոց ցեղասպանությունը ճանաչող օրենքից, որևէ կապ չունի խնդրի հետ:
Գերմանիայի Բունդեսթագը Հայոց ցեղասպանությունը ճանաչող և դատապարտող օրենք է ընդունել 2016-ի հունիսի 2-ին:
