Արցախի Հանրապետության Նախագահ Բակո Սահակյանն օգոստոսի 6-ին այցելել է Քաշաթաղի շրջանի հարավային թև:
Արցախի Հանրապետության նախագահ Բակո Սահակյանն օգոստոսի 6-ին այցելել է Քաշաթաղի շրջանի հարավային թև:
ԼՂՀ նախագահի աշխատակազմի մամուլի ծառայությունից տեղեկացնում են, որ Բակո Սահակյանը գոհունակությամբ նշել է, որ հացահատիկային մշակաբույսերի բերքի ընդհանուր ծավալով Քաշաթաղի շրջանը առաջատարն է ողջ Արցախում:
Բակո Սահակյանը մասնակցել է նաև Իշխանաձոր գյուղում կառուցված նոր բնակելի թաղամասի բնակարանամուտի հանդիսավոր արարողությանը, ինչպես նաև՝ ներկա գտնվել երիտասարդ զույգերի հարսանյաց հանդեսին:
Նախագահն ընդգծել է, որ Քաշաթաղի շրջանի սոցիալ-տնտեսական զարգացումը, այստեղ ժողովրդագրական իրավիճակի հետևողական բարելավումը Արցախի Հանրապետության զարգացման ու զորացման առանցքային բաղադրամասերից է և շարունակելու է մշտապես լինել իշխանությունների ուշադրության կենտրոնում:
