Ֆուտբոլի Եվրոպայի առաջնության խաղերին հայ ֆուտբոլասերները կարող են հետևել Առաջին ալիքի եթերում:
Ընդամենը մի քանի րոպեից կմեկնարկի հին մայրցամաքի ամենահեղինակավոր մրցաշարը՝ ֆուտբոլի Եվրոպայի առաջնությունը: Հայ ֆուտբոլասերները խաղերին կարող են հետևել Առաջին ալիքի եթերում: «Եվրո-2016»-ի պաշտոնական հեռարձակող Հանրային հեռուստաընկերությունը ֆուտբոլասերներին հնարավորություն կընձեռի հետևելու Եվրոպայի առաջնության բոլոր 51 հանդիպումներին:
Տարվա գլխավոր ֆուտբոլային իրադարձության հանդիպումները կմեկնաբանեն Առաջին ալիքի մեկնաբաններ Կարեն Գիլոյանը, Սլավա Սարգսյանը, Ռոբերտ Գասպարյանը, ինչպես նաև մեկնաբաններ Էդուարդ Քալանթարյանը, Խաչիկ Չախոյանը, Վահան Ղարիբյանը և Սուրեն Բաղդասարյանը:
Ֆուտբոլի Եվրոպայի 15-րդ առաջնությունը կանցկացվի Ֆրանսիայում հունիսի 10-ից հուլիսի 10-ը: Ֆրանսիական մարզադաշտերը կհյուրընկալեն 24 հավաքականի:
