Միջոցառման ընթացքում հանձնվեցին շնորհակալագրեր, մեդալներ բոլոր նրանց, ովքեր ակտիվ մասնակցություն են ունեցել եզակի և մասշտաբային «ԳՈՀԱՐ Հայաստանի աստղեր հետ» համերգին:
Երևանի «Արմենիա Մարիոթ» հյուրանոցի «Տիգրան Մեծ» սրահում տեղի ունեցավ «Գոհար Հայաստանի աստղերի հետ» երևանյան համերգի DVD սկավառակի շնորհանդեսը:
Համերգը տեղի էր ունեցել դեռեւս 2011-ի մայիսի 28-ին Երևանի Ազատության հրապարակում՝ «Գոհար» սիմֆոնիկ նվագախումբ-երգչախումբի և հայ էստրադային երգիչների մասնակցությամբ: Այն նվիրված էր Հայաստանի առաջին հանրապետության հռչակմանը: Միջոցառումը նախաձեռնել էր լիբանանահայ բարերար տիկին Գոհար Խաչատուրյանը:
Շնորհանդեսին ներկա գտնվեցին համերգին մասնակցած արտիստները: Միջոցառման ընթացքում ցուցադրվեց «Գոհար Հայաստանի աստղերի հետ» համերգի լայնածավալ աշխատանքների մասին պատմող ֆիլմը: Ցուցադրվեց նաև կարճ ֆիլմ` ի հիշատակ մաեստրո Սեպուհ Աբգարյանի, որը երկար տարիներ ղեկավարել է «Գոհար» սիմֆոնիկ նվագախումբ երգչախումբը:
Միջոցառման ընթացքում հանձնվեցին շնորհակալագրեր, մեդալներ բոլոր նրանց, ովքեր ակտիվ մասնակցություն են ունեցել եզակի և մասշտաբային «ԳՈՀԱՐ Հայաստանի աստղեր հետ» համերգին: Հուշամեդալի եւ պատվոգրի է արժանացել նաեւ Հայաստանի հանրային հեռուստաընկերությունը:
