Արցախի ղեկավարը բժիշկներից հետաքրքրվել է վիրավորների առողջական վիճակով, զրուցել հարազատների հետ:
Արցախի Նախագահ Բակո Սահակյանն այցելել է հակառակորդի հետախուզադիվերսիոն ներթափանցման գործողությունները կասեցնելու ընթացքում վիրավորված եւ Ստեփանակերտի կենտրոնական զինվորական հոսպիտալում ապաքինվող զինծառայողներին:
Արցախի ղեկավարը բժիշկներից հետաքրքրվել է վիրավորների առողջական վիճակով, զրուցել հարազատների հետ: Ստեփանակերտի կենտրոնական զինվորական հոսպիտալ է այցելել նաեւ Հայաստանի պաշտպանության նախարար Սեյրան Օհանյանը: Գերատեսչության ղեկավարը հանդիպել է վիրավոր զինծառայողներին ու նրանց ծնողներին, մաղթել շուտափույթ ապաքինում:
Հակառակորդի դիվերսիոն գործողության հետեւանքով մարտի 19-ին զոհված 3 հայորդիներին զինվորական արարողակարգով կհուղարկավորեն մարտի 22-ին: Զինծառայողներից Արշակ Հարությունյանին հողին կհանձնեն «Եռաբլուր» զինվորական պանթեոնում, Էդուարդ Հայրապետյանին` Աշտարակի ընտանեկան գերեզմանատանը: Հակոբ Խաչատրյանին, ով Արցախի Քաշաթաղի շրջանից էր, կհուղարկավորեն հարազատ գյուղում:
Մանրամասները՝ տեսանյութում
