Ձնաբքի հետևանքով փակ է Վարդենյաց լեռնանցքը, Սոթք-Քարվաճառ ավտոճանապարհը:
Տարածքային կառավարման եւ արտակարգ իրավիճակների նախարարությունը տեղեկացնում է, որ հանրապետության տարածքում կան փակ եւ դժվարանցանելի ավտոճանապարհներ: Ձնաբքի հետևանքով փակ է Վարդենյաց լեռնանցքը, Սոթք-Քարվաճառ ավտոճանապարհը:
Բքի եւ վատ տեսանելիության պատճառով դժվարանցանելի են Ապարան-Արագած, Արթիկ-Արագած, Սևան-Դիլիջան ճանապարհահատվածները: Բուք է Սյունիքի մարզի Սարավան եւ Շիրակի մարզի Աշոցք գյուղերում, ինչպես նաեւ Գյումրի-Աշոցք ավտոճանապարհին: Գյումրի-Բավրա ավտոճանապարհը դժվարանցանելի է ուժեղ քամու եւ առատ ձյան հետևանքով, Բավրայի անցակետը փակ է:
Անվտանգ երթևեկությունն ապահովելու նպատակով ավտոճանապարհներին կատարվում են աղով եւ ավազով մշակման աշխատանքներ: Նախարարությունից խորհուրդ են տալիս երթևեկել ձմեռային անվադողերով:
Առատ տեղումների պատճառով բոլոր տեսակի տրանսպորտային միջոցների համար փակ են Վրաստանի Ստեփանծմինդա-Լարս ու Նինոծմինդա-Բավրա ավտոճանապարհները:
