Baş nazir Nikol Paşinyan və xanım Anna Hkopyan Ermənistanda rəsmi səfərdə olan Almaniya prezidenti Frank-Valter Ştaynmayer və xanım Elke Budenbenderi Hökumət Evində qəbul ediblər.
Ermənistanın baş naziri və Almaniya prezidentinin geniş tərkibdə görüşü olub.
Nikol Paşinyan cənab Ştaynmayerin Ermənistan Respublikasına səfərini alqışlayıb və qeyd edib ki, bu, Almaniya Prezidentinin ölkəmizə ilk səfəri olduğu üçün tarixidir.
Baş nazir qeyd edib ki, Ermənistan və Almaniya arasında fəal və dərinləşən əməkdaşlıq əlaqələri var.
Almaniya Prezidenti də qeyd eib ki, Almaniya Ermənistanla çoxsahəli əməkdaşlığın dərinləşdirilməsinə əhəmiyyət verir.
Frank-Valter Ştaynmayer iqtisadiyyat, investisiyalar, infrastrukturun inkişafı, enerji, turizm, təhsil və mədəniyyət sahələrində əməkdaşlığı perspektiv hesab edib. Almaniya prezidenti ölkəsinin Ermənistan-Avropa İttifaqı əməkdaşlığının inkişafına və Ermənistan hökumətinin islahatlar gündəliyinin səmərəli həyata keçirilməsinə dəstəyini ifadə edib.
Tərəflər ikitərəfli münasibətlərin ardıcıl inkişafı və dərinləşməsi üçün böyük potensialın reallaşdırılmasının zəruriliyini vurğuladılar. Baş nazir Paşinyan bu kontekstdə Aİ ilə viza rejiminin liberallaşdırılması ilə bağlı dialoqun vacibliyini vurğulayıb.
Tərəflər ülh sazişinə də toxunublar. ER hökumətinin “Sülh kəsişməsi” layihəsi, eləcə də qarşılıqlı maraq doğuran digər məsələlər ətrafında fikir mübadiləsi aparılıb.
