Prezident Donald Tramp çərşənbə axşamı Birləşmiş Ştatların İnsan Haqları Şurası da daxil olmaqla, BMT-nin bir sıra qurumlarından çıxarılması və Birləşmiş Ştatların BMT agentlikləri üçün daha geniş maliyyələşdirilməsinə yenidən baxılması haqqında sərəncam imzalayıb.
Sərəncamda həmçinin bildirilir ki, Birləşmiş Ştatlar BMT-nin fələstinlilərə yardım göstərən əsas qurumu ilə əməkdaşlığı dayandıracaq, həmçinin BMT-nin təhsil, elm və mədəniyyət üzrə ixtisaslaşmış qurumu olan YUNESKO-da iştirakını nəzərdən keçirəcək.
"Ümumilikdə, sərəncam müxtəlif ölkələr arasında böyük fərqlər və maliyyə səviyyələri nəzərə alınmaqla, Amerikanın BMT-yə ayırdığı maliyyəyə yenidən baxılmasını tələb edir", - deyə Ağ Evin katibi Uil Şarf qeyd edib.
Tramp uzun müddətdir ki, Vaşinqtonun beynəlxalq təşkilatları maliyyələşdirmə səviyyəsinə qarşı çıxıb, digər ölkələri töhfələrini artırmağa çağırıb.
AFP qeyd edir ki, daha əvvəl, əvvəlki prezidentliyi dövründə Tramp ABŞ-ın Paris iqlim sazişindən və Ümumdünya Səhiyyə Təşkilatından çıxdığını elan edib.
