ABŞ dövlət katibi Marko Rubio Türkiyənin xarici işlər naziri Hakan Fidan ilə danışıb.
Qeyd olunur ki, o, ABŞ-Türkiyə münasibətlərinin əhəmiyyətini, Türkiyənin NATO-da əsas müttəfiqi kimi rolunu və iki ölkənin regionda ortaq maraqlarını bir daha təsdiqləyib.
"Dövlət katibi və xarici işlər naziri həmçinin Ermənistan və Azərbaycan arasında sabit və ləyaqətli sülhün bərqərar olmasının vacibliyini müzakirə ediblər", - Dövlət Departamentinin bəyanatında deyilir.
Tərəflər Suriyadakı vəziyyətə də toxunublar. Rubio qeyd edib ki, ABŞ-ın yeni administrasiyası Suriyanın beynəlxalq terrorizm mənbəyinə çevrilməsinə imkan verməyəcək.
