Rusiya Ermənistanla qardaşlıq münasibətlərini yüksək qiymətləndirir, Sergey Lavrov xarici işlər naziri Ararat Mirzoyanla görüşün açılışında bildirib.
“Ermənistan bizim təbii strateji tərəfdaşımız, müttəfiqimizdir. Biz çoxəsrlik dostluq və qonşuluq ənənələrinin möhkəmləndirilməsində və inkişaf etdirilməsində maraqlıyıq”, - deyə Rusiya XİN rəhbəri qeyd edib. O, iki ölkənin bütün idarələri arasında müntəzəm təmasların olmasının vacibliyini vurğulayıb.
Rusiyanın xarici işlər naziri Ermənistanla çoxtərəfli formatda əməkdaşlığa, eləcə də mədəni, təhsil və humanitar sahələrdə əlaqələrə toxunub. Lavrov Ermənistanın Aİİ-də əldə etdiyi nailiyyətləri “təəssürat verici” kimi qiymətləndirib.
