ABŞ-ın yeni seçilmiş prezidenti Donald Tramp Rusiya prezidenti Vladimir Putinin onunla görüşmək istəyini ifadə etdiyini açıqlayıb. Tərəflər belə bir görüşə hazırlıq görür.
Tramp jurnalistlərə deyib: “Putin görüşmək istəyir və biz bunu təşkil edirik”.
Onun, Putin və Çin lideri Xi Jinping arasında üçtərəfli görüşün mümkünlüyü barədə suala cavab olaraq, Tramp bunun daha sonra qərar veriləcəyini deyib.
Bundan əvvəl Vladimir Putin Donald Trampla istənilən vaxt görüşməyə hazır olduğunu, lakin ona administrasiyasını formalaşdırmaq və vəzifəsinin icrasına başlamaq imkanının verilməsini daha məqsədəuyğun hesab etdiyini bildirmişdi.
