Yanvarın 9-da Ermənistan Respublikası Təhlükəsizlik Şurasının katibi Armen Qriqoryan İran İslam Respublikasının Ali Milli Təhlükəsizlik Şurasının katibi Əli Əkbər Əhmədianı qəbul edib.
ER Təhlükəsizlik Şurasının katibi İran İslam Respublikası Ali Milli Təhlükəsizlik Şurası katibinin Ermənistana səfərini alqışlayıb və Ermənistan-İran ikitərəfli çoxsahəli əlaqələrin inkişaf etdirilməsi zərurətinə əsaslanan yüksək səviyyəli qarşılıqlı səfərlərin əhəmiyyətini vurğulayıb.
Əhmədian da öz növbəsində qeyd edib ki, ikitərəfli münasibətlər möhkəm əsaslara malikdir və heç bir şey onları dəyişdirə və ya sarsıda bilməz.
Görüş zamanı tərəflər regional proseslərə və bu kontekstdə Ermənistan-İran əməkdaşlığının perspektivlərinə toxunublar.
Ermənistan və İran arasında inkişaf edən ikitərəfli münasibətləri məmnunluqla qeyd edən həmsöhbətlər artıq əldə edilmiş razılaşmaların həyata keçirilməsini müzakirə edib və əməkdaşlığın yeni yollarını müəyyən ediblər.
İqtisadi əlaqələrin inkişafı müzakirə edilib, infrastrukturun inkişafı proqramları ətrafında fikir mübadiləsi aparılıb.
