ABŞ səfiri Kristina Kuinn erməni xalqına Yeni il mesajı göndərib.
“Yeni il bayramlarını dostlarım və ailəmlə qeyd edərkən, qarşıdan gələn ildə sizə sülh, xoşbəxtlik və firavanlıq arzulayıram.
Bayramlar birgə nailiyyətlər və gələn il üçün planlar haqqında düşünmək üçün əla fürsətdir.
Yeni ilə ərifəsində mən məmnuniyyətlə bildirmək istəyirəm ki, Birləşmiş Ştatlar və Ermənistan xalqları arasında əlaqələr həmişəkindən daha güclüdür. Mən 2025-ci ildə ölkələrimiz arasında əlaqələrin daha da inkişafını səbirsizliklə gözləyirəm.
Ermənistanda olduğum müddətdə mənə və ailəmə göstərilən isti və mehriban münasibətə görə minnətdaram. Sizin sayənizdə Yerevanda özümü evimdəki kimi hiss edə bildim. Biz burada yeni bayram ənənələri formalaşdırmışıq, onlardan biri də Vernisajdan Milad ağacı bəzəklərinin alınmasıdır. Bayramlarınız sevinc, sülh və sevgi ilə dolsun.
Yeni iliniz mübarək və Milad bayramınız mübarək", - mesajda deyilir.
