Dekabrın 17-də ER-in ABŞ-dakı səfirliyində ABŞ Beynəlxalq İnkişaf Agentliyinin (USAID) Ermənistan Respublikasının iqtisadi inkişafı və demokratik idarəçiliyinin gücləndirilməsində davamlı təsirinə həsr olunmuş xüsusi müzakirə keçirilmişdir.
ER-in ABŞ-dakı səfirliyi xəbər verir ki, tədbirin fəxri qonağı səfir Lilit Makunts ilə müzakirədə iştirak edən USAID-in rəhbəri Samanta Pauer olub.
Səfir Makunts öz çıxışında USAID-in Ermənistanın davamlı inkişafına verdiyi töhfənin əhəmiyyətini yüksək qiymətləndirərək, göstərdiyi liderliyə görə Samanta Pauerə minnətdarlığını bildirib.
Pauer çıxışında ABŞ və Ermənistan Respublikası arasında güclü tərəfdaşlığı təsdiqləyərək, enerji təhlükəsizliyi, iqlim dəyişikliyi və ərzaq təhlükəsizliyi kimi məsələlərdə davamlı əməkdaşlığın vacibliyini vurğulayıb.
Müzakirəyə 2008-2011-ci illərdə ABŞ-ın Ermənistandakı səfiri olmuş görkəmli diplomat, səfir Mari Yovanoviç moderatorluq edib. Müzakirə sual-cavab sessiyası ilə davam edib.
Səfir həmçinin ER-ABŞ əlaqələrinin möhkəmləndirilməsində diasporun roluna toxunub. Səfir Makunts tədbiri yekunlaşdıraraq Ermənistanın ABŞ-la tərəfdaşlığını gücləndirmək öhdəliyini bir daha təsdiqləyib. O, ABŞ-ın formalaşmaqda olan administrasiyası ilə qarşılıqlı maraq doğuran sahələrdə əməkdaşlığın davam etdirilməsi və bu əlaqələrin daha da möhkəmləndirilməsi ilə bağlı nikbinliyini bildirib.
Tədbirdə ABŞ hökumətinin, Konqresin, analitik mərkəzlərin, erməni icmasının nümayəndələri iştirak ediblər.
