“RİA Novosti” xəbər verir ki, Rusiya xarici işlər nazirinin müavini Mixail Qaluzin bildirib ki, Rusiya Ermənistanla hərbi-siyasi razılaşmalardan imtina etmir.
O, Rusiya tərəfinin həm ikitərəfli səviyyədə, həm də Avrasiya məkanında birləşmə çərçivəsində bütün sazişlərə sadiq olduğunu vurğulayıb.
“Moskva müttəfiqləri qarşısında götürdüyü öhdəliklərdən əl çəkmir. Söhbət həm də hərbi-siyasi sahədən gedir”, - Qaluzin əlavə edib.
Bundan əvvəl ER baş naziri Nikol Paşinyan Kollektiv Təhlükəsizlik Müqaviləsi Təşkilatının (KTMT) Astanada keçirilən sammitində iştirakdan imtina edib. Rusiya prezidenti Vladimir Putin bu qərarı şərh edərək bildirib ki, hər bir ölkə təhlükəsizlik sahəsində nə edəcəyini özü seçir.
