Oktyabrın 30-da Belçika Baş nazirinin müavini özünüməşğulluq, kiçik və orta sahibkarlıq, kənd təsərrüfatı, institusional islahatlar və demokratik yenilənmə naziri David Klarinval səfir Tiqran Balayanı qəbul edib. Bu barədə ER-in Belçikadakı səfirliyi məlumat yayıb.
“Görüş zamanı ikitərəfli əməkdaşlığın dərinləşdirilməsi istiqamətində atılan addımların davamlılığını təmin etmək məqsədilə həyata keçirilən işlər müzakirə edilib, ticarət-iqtisadi və digər sahələrdə əməkdaşlığın perspektivləri müzakirə edilib.
Səfir Balayan Belçikanın ikitərəfli və çoxtərəfli platformalarda, o cümlədən Aİ səviyyəsində siyasi dəstəyini yüksək qiymətləndirib, ER hökuməti tərəfindən həyata keçirilən genişmiqyaslı islahatları və bu sahədə əldə olunan nailiyyətləri ətraflı təqdim edib.
Baş nazirin müavini Klarinvalın xahişi ilə səfir Ermənistanın qonşuları ilə münasibətləri tənzimləməyə yönəlmiş səylərini və bu kontekstdə Ermənistan və Azərbaycan arasında sülh sazişinin imzalanması istiqamətində görülən işləri ətraflı şəkildə təqdim edib”, - səfirliyin məlumatında deyilir.
