ER Parlamentinin sədri Alen Simonyan Çexiyaya rəsmi səfəri çərçivəsində Çexiya Parlamenti Senatının sədri Miloş Vistarçil ilə görüşüb. Geniş müzakirələrdə həmsöhbətlər Ermənistan-Çexiya münasibətlərinin geniş gündəliyi ilə bağlı müxtəlif məsələlərə toxunublar. Bu barədə Parlamentin mətbuat xidməti məlumat yayıb.
Ermənistan və Çexiya parlamentləri arasında əməkdaşlığın dərinləşdirilməsi və inkişafı məsələləri müzakirələrin əsasını təşkil edib.
Senatın sədri bildirib ki, xüsusilə Ermənistanın Aİ ilə yaxınlaşmağa hazır olduğunu bəyan etdikdən sonra Çexiya üçün Ermənistanla münasibətləri dərinləşdirməsi vacibdir. ER Parlamentinin sədri öz növbəsində Çexiya tərəfinə Ermənistan-Aİ yaxınlaşması prosesinə töhfə vermək istəyinə və bu məsələdə müsbət münasibətinə görə təşəkkür edib.
Həmçinin regionumuzdakı mövcud vəziyyətə, Ermənistan-Azərbaycan sülh müqaviləsi ilə bağlı məsələlərə, Azərbaycanda saxlanılan erməni hərbi əsirlərin repatriasiyasına da toxunulub.
İclasın sonunda ER Parlamentinin sədri Senatın Fəxri qonaqlar kitabına qeyd edib.
