Aşqabadda Rusiya və İran prezidentləri görüşüb. Vladimir Putin və Məsud Pezeşkian bir saata yaxın söhbət ediblər.
Kremlin mətbuat katibi Dmitri Peskov qeyd edib ki, görüş geniş tərkibdə keçib, sonra təkbətək söhbət olub.
“Beynəlxalq arenada mövqelərimiz oxşardır”, - deyə İran prezidenti bildirib. O, BRİKS sammitində iştirak edəcəyinə ümid etdiyini bildirib.
Putin Kazanda iranlı həmkarını gözlədiyini və onunla ikitərəfli görüş keçirəcəyini də təsdiqləyib.
Bu, Pezeşkian seçildikdən sonra Rusiya və İran prezidentləri arasında ilk görüş olub.
