Oktyabrın 3-də ER xarici işlər naziri Ararat Mirzoyan Parisdə Mavritaniyanın xarici işlər, Afrika əməkdaşlığı və xaricdəki mavritaniyalılar naziri Məhəmməd Salem Mazruk ilə görüşüb. Bu barədə ER XİN məlumat yayıb.
Görüş Frankofoniya nazirlərinin konfransı çərçivəsində baş tutub. Həmsöhbətlər ER-nın Afrika qitəsi ölkələri və Mavritaniyanın Afrika İttifaqına sədrliyi ilə bu ilin fevralında başlayan əməkdaşlıq gündəliyinin genişləndirilməsində maraqlı olduğunu nəzərə alaraq ikitərəfli əlaqələrin inkişaf etdirilməsi imkanlarını müzakirə ediblər.
Ermənistan və Mavritaniya xarici işlər nazirlərinin diqqət mərkəzində sülh gündəliyi baxışı və humanitar dəyərlərin təşviqi, Beynəlxalq Frankofoniya Təşkilatının və BMT Nizamnaməsinin əsas prinsiplərinə hörmət əsasında çoxtərəfli platformalarda əməkdaşlığın genişləndirilməsi olub.
