ER İqtisadiyyat naziri Gevorq Papoyan oktyabrın 3-də Qazaxıstan Respublikasının Ermənistandakı fövqəladə və səlahiyyətli səfiri Bolat İmanbayevi qəbul edib.
İclasda nazir müavinləri Arman Xocoyan və Narek Hovakimyan da iştirak ediblər.
İqtisadi sahədə ikitərəfli əməkdaşlığın perspektivləri, özəl sərmayələrin cəlb edilməsinə və istehsal güclərinin inkişafına töhfə verəcək investisiya əməkdaşlığının, xüsusilə ərzaq təhlükəsizliyi və kənd təsərrüfatı məhsullarının emalı sahələrində imkanlar müzakirə edilib.
Mövzular arasında, həmçinin ikitərəfli ticarət-iqtisadi əlaqələrin genişləndirilməsi, kənd-ərzaq məhsullarının daşınması və tədarükünün səmərəliliyinin artırılması məqsədilə işgüzar dairələrin iştirakı ilə B2B formatında görüşlərin təşkili də olub.
Qazaxıstanın Almatı şəhərində Ermənistanın Ticarət Evinin yaradılmasının mümkünlüyünə toxunulub.
