Belarusla Azərbaycan arasında dostluq üçüncü dövlətlərə qarşı deyil, biz öz işimizi hər iki dövlətin xalqlarının mənafeyi naminə edirik. Bu barədə oktyabrın 3-də Belarus prezidenti Aleksandr Lukaşenko Azərbaycanın baş naziri Əli Əsədovla görüşündə bildirib.
“Belarus və Azərbaycan arasında münasibətlərdə qapalı mövzular yoxdur”, - deyə Lukaşenko qeyd edib.
O əmin edib ki, onların dostluğu ilə heç bir beynəlxalq hüquq normasını pozmurlar və üçüncü ölkələr üçün təhlükə yaratmırlar.
Aleksandr Lukaşenko Minsk və Bakı arasında beynəlxalq platformalarda qarşılıqlı dəstəyin mövcudluğuna da diqqət çəkib. “Bizim heç bir problemimiz yoxdur, biz bir-birimizi dəstəkləyirik, bir-birimizi dəstəkləmişik və bundan sonra da dəstəkləyəcəyik”, - Belarus lideri bildirib.
