Sentyabrın 30-da ER Parlamentinin Ermənistan-İspaniya dostluq qrupunun rəhbəri Tatevik Gasparyan İspaniya səfirliyinin müvəqqəti işlər vəkili Kristina Konesa Sanço ilə görüşüb.
Tatevik Gasparyan qonağı parlamentdə salamlayaraq qeyd edib ki, son illər Ermənistan-İspaniya münasibətlərində nəzərəçarpacaq irəliləyiş əldə olunub və buna yüksək səviyyəli rəsmilərin ikitərəfli görüşləri də kömək edib.
Tatevik Gasparyan Kristina Konesa Sançonun xüsusilə Ermənistanın regionlarında gənclərlə bağlı proqramların həyata keçirilməsində fəal addımlarını yüksək qiymətləndirib.
Ermənistanla Avropa İttifaqı arasında genişlənən əməkdaşlığa toxunan dostluq qrupunun rəhbəri bu formatda İspaniya ilə əməkdaşlığı yüksək qiymətləndirib.
Qəbul üçün təşəkkürünü bildirən İspaniya səfirliyinin müvəqqəti işlər vəkili Ermənistan-Avropa İttifaqı tərəfdaşlığının dərinləşdiyinin vacibliyi vurğulayıb. Kristina Konesa Sanço parlamentlərarası əlaqələrin möhkəmlənməsinə töhfə verməyə hazır olduğunu bildirib.
Parlament əməkdaşlığından danışan deputat Parlamentin Ermənistan-İspaniya dostluq qrupunun ispan həmkarları ilə fəal əməkdaşlığını vurğulayıb. Bu kontekstdə tərəflər həm parlamentdə, həm də bir sıra sahələrdə əməkdaşlığın inkişaf etdirilməsi imkanları ilə bağlı məsələləri müzakirə ediblər.
