Sentyabrın 25-də Nyu-Yorkda Ermənistanın xarici işlər naziri Ararat Mirzoyan Yunanıstanın xarici işlər naziri Yorgos Gerapetritislə görüşüb. Bu barədə ER XİN məlumat yayıb.
Həmsöhbətlər iki ölkə arasında sıx siyasi dialoqa və ümumi dəyərlərə uyğun olaraq müxtəlif formatlarda qarşılıqlı fəaliyyət məsələlərini müzakirə ediblər.
Ermənistan-Aİ tərəfdaşlığının yeni gündəliyinin inkişafı istiqamətində atılan addımlara qısa istinad edilib. Artıq qeydə alınmış nailiyyətlər vurğulanıb: Aİ-nin monitorinq missiyası, viza rejiminin liberallaşdırılması üzrə dialoqun başlanması, Aİ sülh aləti çərçivəsində Ermənistana dəstək, eləcə də əməkdaşlığın dərinləşdirilməsi üçün gələcək imkanlar.
Nazir Mirzoyan vurğulayıb ki, Ermənistan Yunanıstanın və digər tərəfdaşların Ermənistan vətəndaşlarının arzularına uyğun olaraq Aİ ilə daha sıx münasibətlərin qurulması istiqamətində güclü dəstəyini yüksək qiymətləndirir.
Ermənistan və Yunanıstan arasında regional təhlükəsizlik və sabitliyin möhkəmləndirilməsi istiqamətində əməkdaşlıq məsələləri ətrafında fikir mübadiləsi aparılıb.
