Almaniya Xarici İşlər Nazirliyi X səhifəsində Dağlıq Qarabağ və Ermənistan-Azərbaycan münasibətləri barədə məlumat yayıb:
“Bir il əvvəl Dağlıq Qarabağ yenidən hərbi münaqişə səhnəsinə çevrildi. Minlərlə insan evlərini tərk edərək Ermənistana gedib. O vaxtdan bəri Ermənistan və Azərbaycan daim yanaşı yaşamaq üçün çalışırlar və sülh danışıqlarına başlayıblar.
Biz hər iki ölkənin suverenliyinə və ərazi bütövlüyünə sadiqik. Biz davamlı sülhə nail olmaq üçün səyləri dəstəkləyirik. Bu gün xarici işlər naziri Analena Berbok erməni həmkarı Ararat Mirzoyan ilə buna necə nail olmağı müzakirə edib”, - XİN-in bəyanatında deyilir.
