Sentyabrın 19-da ER müdafiə naziri Suren Papikyan Slovakiyanın Ermənistandakı fövqəladə və səlahiyyətli səfiri Miroslav Hatsek və yeni təyin olunmuş müdafiə attaşesi, polkovnik Milan Şintanı qəbul edib. Bu barədə Müdafiə Nazirliyindən məlumat verilib.
Müdafiə naziri polkovnik Şintanı vəzifəyə başlaması münasibətilə təbrik edib və ona uğurlar arzulayıb.
Görüş zamanı tərəflər Ermənistan və Slovakiya arasında müdafiə sahəsində əməkdaşlığın perspektivlərini müzakirə edib və onu inkişaf etdirməyə hazır olduqlarını bildiriblər, həmçinin regional təhlükəsizliklə bağlı məsələlərə toxunublar.
