Rusiya Təhlükəsizlik Şurasının katibi Sergey Şoyqu İrana səfər edib.
Səfər zamanı Şoyqu İran prezidenti Məsud Pezeşkianla görüşüb.
Şoyqu Rusiya lideri Vladimir Putinin mesajını Məsud Pezeşkiana çatdırıb, həmçinin İran prezidentinə “əldə edilmiş razılaşmalar haqqında hesabat” təqdim edib.
Pezeşkian vurğulayıb ki, yeni hökumət Rusiya-İran münasibətlərinin səviyyəsini yüksəltmək üçün ciddi addımlar atacaq. O, Rusiya-İran əməkdaşlığının sanksiyaların təsirinin azaldılmasına töhfə verdiyini vurğulayıb və əlavə edib ki, ikitərəfli münasibətlər bundan sonra da inkişaf edəcək.
