Biz müxtəlif ölkələrlə hərbi-texniki əməkdaşlıq edirik, həm də faktiki olaraq peşəkar ordu yaradırıq. Bunu Paşinyan deyib.
“Xüsusən də Azərbaycanda Ermənistanın Qərbdən silah alması barədə çox danışılır. Üstəlik, bilirsinizmi maraqlı olan nədi? Deyirlər ki, Qərb Ermənistanı silahlandırır. Üzr istəyirəm, Azərbaycan Çexiyadan silah alır, İtaliyadan silah alır, nə vaxtdan Çexiya, Slovakiya, İtaliya Qərb deyil? Yəni niyə Azərbaycan İtaliyadan, Çexiyadan, Slovakiyadan, Serbiyadan silah ala bilir, amma Ermənistan Fransadan silah ala bilmir? Niyə Azərbaycan Pakistandan silah ala bilər, Ermənistan Hindistandan silah ala bilmir?”- o deyib.
