İran prezidenti Məsud Pezeşkian ölkənin nüvə proqramı və husilərin raketlərlə silahlanması ilə bağlı açıqlama verib.
“Associated Press” bildirib ki, Pezeşkian ölkəsinin nüvə silahı yaratmaq üçün deyil, yalnız elmi-texniki məqsədlər üçün nüvə proqramını inkişaf etdirəcəyini bəyan edib.
"Biz texniki və elmi ehtiyaclarımızı təmin etmək istəyirik və nüvə silahı yaratmaq yollarını axtarmırıq", - İran prezidenti bildirib.
Eyni zamanda, o, Tehranın heç vaxt raket proqramından əl çəkməyəcəyini vurğuladı. Onun sözlərinə görə, regiondakı digər qüvvələrin qarşısını almaq lazımdır.
Pezeşkian Yəməndəki husilərə raket tədarükü mövzusuna toxunaraq qeyd edib ki, "yəmənlilər öz silahlarını yaratmağa qadirdirlər”.
