İranın iqtisadiyyat naziri Abdolnaser Hemmati Rusiya Federasiyası prezidentinin köməkçisi İqor Levitin ilə görüşüb. Hemmati vurğulayıb ki, İran Rusiyadan Şimal-Cənub dəhlizi layihəsinin həyata keçirilməsinə ciddi dəstək verəcəyini gözləyir.
O qeyd edib ki, İran bu sahəyə xarici investisiyaları təşviq edir və digər ölkələrin layihədə iştirakını asanlaşdırmağa hazırdır.
"Ümid edirik ki, Rusiya sərmayələrinin İrana, xüsusilə neft və logistika layihələri sahəsində genişlənməsinin şahidi olacağıq", - Hemmati deyib.
Levitin vurğulayıb ki, Rusiya prezidenti Rəşt-Astaranın tikintisi üçün büdcə ayırıb. O, “Şimal-Cənub” layihəsinin icrasının texniki hissəsinin başa çatdığını, hazırda praktiki mərhələyə keçmək üçün İqtisadiyyat Nazirliyi ilə koordinasiyaya ehtiyac olduğunu vurğulayıb.
