Dövlət Departamentinin sözçüsü Metyu Miller gündəlik brifinqdə deyib: “Biz hər iki ölkənin davamlı və şərəfli sülh razılaşması əldə etmək səylərini dəstəkləməyə davam edirik”.
O, dövlət katibi Entoni Blinkenin Nikol Paşinyan və İlham Əliyevlə bu yaxınlarda apardığı telefon danışıqları, eləcə də Birləşmiş Ştatların gələn həftə BMT Baş Assambleyası çərçivəsində Azərbaycan və Ermənistan arasında növbəti görüş keçirmək niyyətində olub-olmaması ilə bağlı jurnalistin suallarını belə cavablandırıb.
“Məndə heç bir əlavə məlumat yoxdur... Əlbəttə, biz həmişə Ermənistan və Azərbaycanın xarici işlər nazirlərini bir araya gətirmək üçün imkanlar axtarırıq”, - Miller deyib.
Onun sözlərinə görə, hər iki ölkə sülh sazişinin əldə edilməsi istiqamətində “əhəmiyyətli irəliləyiş əldə edib”. "Və biz onları hər cür dəstəkləmək niyyətindəyik, o cümlədən görüş təşkil etmək".
