Sentyabrın 10-da ER xarici işlər nazirinin müavini Paruyr Hovhannisyan “Yerevan dialoqu” beynəlxalq forumu çərçivəsində Şimali Makedoniyanın xarici işlər və ticarət nazirinin müavini Zoran Dimitrovski ilə görüşüb. Bu barədə ER XİN məlumat yayıb.
Görüş zamanı həmsöhbətlər həm ikitərəfli, həm də çoxtərəfli əməkdaşlıqla bağlı bir sıra məsələlər ətrafında fikir mübadiləsi aparıblar. Qarşılıqlı maraq doğuran sahələrdə əməkdaşlığın genişləndirilməsi vurğulanıb.
Regional təhlükəsizlik məsələləri ətrafında da fikir mübadiləsi aparılıb. Ermənistan Respublikası xarici işlər nazirinin müavini Cənubi Qafqazda sabit sülhün bərqərar olması üçün Ermənistan və Azərbaycan arasında sülh müqaviləsinin bağlanmasının vacibliyini təqdim edib.
