Artıq sülh müqaviləsinin mətni ilə bağlı fikir ayrılığımız yoxdur. Başqa bir şey: bilirsiniz ki, Azərbaycan tərəfi bəzən ümumi danışıqlar prosesinə başqa ilkin şərtlər və ya başqa problemlər daxil etməyə çalışır. Bizim yanaşmamız ondan ibarətdir ki, artıq razılaşdırılmış mətni günlər əvvəl, dəqiqələr əvvəl imzalaya bilərik. Bunu Ermənistanın xarici işlər naziri Ararat Mirzoyan Lüksemburq Böyük Hersoqluğunun baş nazirinin müavini, xarici işlər və xarici ticarət naziri Ksavye Betellə birgə mətbuat konfransında deyib.
“Təbii ki, bir mətnlə, bir müqavilə ilə bütün məsələləri həll etmək mümkün deyil. Qalanı hər iki tərəf maraqlı olarsa, növbəti danışıqlara buraxılacaq”, - deyə Ararat Mirzoyan bildirib.
Jurnalistin sərhəd delimitasiyası komissiyaları arasında imzalanan əsasnamədə Alma-Ata Bəyannaməsindən fərqli prinsipin olub-olmaması ilə bağlı sualını cavablandıran Ararat Mirzoyan deyib. “Burada deyilir ki, təməl Alma-Ata Bəyannaməsidir. Sülh müqaviləsində başqa prinsip təsbit edilərsə, biz də buna uyğun dəyişəcəyik. Başqa heç bir prinsip müzakirə olunmur. Nəzərdə tutduğunuz və soruşduğunuz məsələ mətnin razılaşdırılmış hissəsində var. Mən irəli gedib fərdi təfərrüatları açıqlamaq istəmirəm, baxmayaraq ki, bu, əslində böyük bir sirr deyil. Bizim ictimaiyyətdən heç bir sirrimiz yoxdur və heç bir xoşagəlməz sürprizimiz yoxdur, lakin bu prinsip hazırda müzakirə olunmur”.
Xarici işlər naziri qeyd edib ki, sülh sazişi layihəsi 16 maddədən ibarətdir, onlardan 13-ü tam, 3-ü qismən razılaşdırılıb.
