İran xarici işlər nazirinin müşaviri Müctəba Dəmirçilu Rusiyanın Tehrandakı səfiri ilə görüşüb. İRNA-nın məlumatına görə, Dəmirçilu İranın Cənubi Qafqazda sülh və sabitliyin bərqərar olmasına, region ölkələri arasında əməkdaşlığın inkişafına tərəfdar olduğunu, regionun geosiyasi və beynəlxalq səviyyədə tanınmış sərhədlərinin dəyişdirilməsinin əleyhinə olduğunu vurğulayıb.
O, regiondakı bütün ölkələrin maraqlarının və qanuni narahatlıqlarının nəzərə alınmasının, habelə milli suverenliyə və ərazi bütövlüyünə hörmət edilməsinin vacibliyini vurğulayıb. Dəmirçilu qarant ölkələrin maraqlarına hörmət edilməsinin vacibliyini də vurğulayıb.
Tərəflər mövcud problemlərin həlli üçün region ölkələrinin imkanlarından istifadə edilməsinin, iqtisadi layihələrin həyata keçirilməsinin zəruriliyini vurğulayıblar. Həmçinin 3+3 formatında keçiriləcək görüşlər və İran, Rusiya və Azərbaycan xarici işlər nazirlərinin görüşü ilə bağlı məsələlər müzakirə olunub.
