ABŞ prezidenti Co Bayden Hindistanın baş naziri Narendra Modi ilə telefon danışığı aparıb, onun Polşa və Ukraynaya səfərini, həmçinin BMT Baş Assambleyasının sentyabrda keçiriləcək sessiyalarını müzakirə edib.
Ağ Evin məlumatına görə, Bayden sülh mesajına və enerji sektoru da daxil olmaqla Ukraynaya davamlı humanitar dəstəyə görə təşəkkür edib.
“Liderlər münaqişənin beynəlxalq hüquq normalarına uyğun və BMT Nizamnaməsi əsasında sülh yolu ilə həllinə davamlı dəstəyini bir daha təsdiqləyiblər”, - Ağ Evin bəyanatında deyilir.
Qeyd edilir ki, Bayden və Modin Hind-Sakit Okean regionunda sülh və rifahı təşviq etmək üçün birlikdə işləmək öhdəliyini vurğulayıblar.
