Bakıda Rusiya və Azərbaycan arasında iqtisadi əməkdaşlıq üzrə hökumətlərarası komissiyanın 22-ci iclası keçirilib və burada ikitərəfli əməkdaşlığın əsas məsələləri müzakirə olunub.
Rusiya Baş nazirinin müavini Aleksey Overçuk və Azərbaycanın baş nazirinin müavini Şahin Mustafayev müxtəlif sahələrdə, o cümlədən ticarət, nəqliyyat, energetika, aqrar-sənaye kompleksi və mədəniyyət sahələrində əməkdaşlığın nəticələrini ümumiləşdiriblər.
Rusiya Xarici İşlər Nazirliyinin məlumatına görə, tərəflər həmçinin iqlim dəyişikliyi, su ehtiyatlarının qorunması və ağıllı şəhərlər sahəsində təcrübə mübadiləsi məsələlərini müzakirə ediblər.
“İclasın sonunda əldə olunmuş razılaşmaları və konstruktiv dialoqun davam etdirilməsinə hazır olduğunu təsdiq edən protokol imzalanıb”, - deyə məlumatda deyilir.
