“ABŞ müttəfiqləri ilə birlikdə İsrail və İrana birbaşa mesaj göndərib ki, heç kim gərginliyi daha da artırmasın.”
Bunu ABŞ dövlət katibi Entoni Blinken deyib.
“Biz Yaxın Şərqdə gərginliyin azaldılması və münaqişənin genişlənməsinin qarşısının alınması üçün intensiv işləməyə davam edirik. Son bir neçə gün ərzində biz regionda və onun hüdudlarından kənarda olan tərəfdaşlarla daimi təmasda olmuşuq”, - deyə o, Merilend ştatının Annapolis şəhərində keçirdiyi mətbuat konfransında deyib.
O həmçinin ABŞ-ın İsrailin təhlükəsizliyini təmin etməyə hazır olmağının dəyişməz olaraq qaldığını vurğulayıb.
