ABŞ Milli Təhlükəsizlik Şurası prezident Co Bayden və vitse-prezident Kamala Harrisə Yaxın Şərqdəki son hadisələrlə bağlı məlumat verib.
Ağ Evin mətbuat xidməti bildirib ki, müzakirə "İran və onun təsiri altında olan qrupların ABŞ hərbçiləri üçün regionda yaratdığı təhlükələrə" həsr olunub.
ABŞ prezidenti və vitse-prezidenti İraqdakı “Əl-Əsəd” aviabazasına hücumla bağlı məlumatlandırılıb. Amerika personalına qarşı istənilən hücumun qarşısının alınması, həmçinin İsrailin müdafiəsi ilə bağlı hərbi və bölgədəki gərginliyi azaltmaq üçün diplomatik səylər müzakirə olunub.
