Ermənistan-Türkiyə sərhədindəki Marqara keçid məntəqəsinin xidməti üçün siyasi qərar verilməlidir.
Bunu Dövlət Gəlirləri Komitəsinin sədri Rüstəm Badasyan qeyd edib.
“Marqara keçid məntəqəsi üçüncü ölkə vətəndaşlarına və diplomatik pasportu olan şəxslərə xidmət göstərməyə hazırdır. Uzun müddətdir hazırdır. Nə vaxt veriləcəyini bilmirəm, siyasi qərar verilməlidir.
Məntəqə bu və ya digər şəkildə tikilməli idi, ilkin razılaşma olduğu üçün tikilib, bunun çərçivəsində işlədik, nöqtəni hazır vəziyyətə gətirdik, indi nə vaxt siyasi qərar olsa, xidmətə hazır olacağıq”, - Badasyan bildirib.
