Rusiya və İran hərtərəfli strateji tərəfdaşlıq haqqında sazişin hazırlanmasını başa çatdırıblar, imzalanma yaxın vaxtlarda baş tutacaq. Bu barədə Rusiya xarici işlər nazirinin müavini Andrey Rudenko məlumat verib.
Hazırda iki ölkə yüksək səviyyəli təmaslar çərçivəsində sazişin imzalanmasına hazırlıq üçün zəruri olan daxili prosedurlara başlayır.
Daha əvvəl IRNA agentliyi bildirib ki, İranın yeni seçilmiş prezidenti Məsud Pezeşkian Rusiya prezidenti Vladimir Putinlə telefon danışığında Tehranın oktyabrda Kazanda keçiriləcək BRİKS sammiti zamanı Moskva ilə hərtərəfli strateji tərəfdaşlıq sazişi imzalamağa hazır olduğunu bildirib.
