Kremlin sözçüsü Dmitri Peskov bazar ertəsi keçirdiyi brifinqdə Rusiya prezidenti Vladimir Putinin sui-qəsd cəhdindən sonra Donald Trampla əlaqə saxlamadığını və əlaqə yaratmaq niyyətində olmadığını bildirib.
"Dünən biz ümumi baxışımızı təqdim etdik, baş verənləri qiymətləndirdik və təbii ki, hücumu pislədik", - Rusiya prezidentinin mətbuat katibi bildirib.
Peskov Nobel mükafatı laureatlarının dünya miqyasında bütün hərbi əməliyyatların dayandırılmasını tələb edən məktubuna da toxunub. Kremlin sözçüsü cavab verdi ki, belə bir məktub görməmiş, təbii ki, onun məzmunu ilə tanış deyil.
