Britaniyalılar ölkəyə növbəti beş il ərzində rəhbərlik edəcək yeni hökumətin tərkibini müəyyən etmək üçün bu gün seçkilərə gedirlər.
Bu, Böyük Britaniyada ölkənin Avropa İttifaqından çıxmasından sonra keçirilən ilk ümumi seçkidir. İngiltərə, Şotlandiya, Uels və Şimali İrlandiyada 650 seçki dairəsində seçki məntəqələri açılıb, ölkə üzrə təxminən 50 milyon insan səsvermə hüququna malikdir.
Britaniya parlamentinin İcmalar Palatasında 650 yer uğrunda 4515 namizəd mübarizə aparır.
Yeni parlamentin formalaşması ilə bağlı ümumi mənzərə iyulun 5-i səhər saatlarında bəlli olacaq.
