Avropa İttifaqının öz tarixi göstərir ki, uzun müddət davam edən münaqişədən sonra ölkələr arasında etimadın yaradılması vaxt, bağışlanma və səbir tələb edir.
“Armenpress” xəbər verir ki, bunu Avropa İttifaqının xarici siyasət məsələləri üzrə sözçüsü Piter Stano Azərbaycan prezidenti İlham Əliyevin Fransaya və Ermənistan-Fransa hərbi əməkdaşlığına qarşı ittiham və hədələrinə cavab olaraq bildirib.
O, Aİ-nin sülh prosesini dəstəkləməyə hazır olduğunu bir daha təsdiqləyib.
“Təhlükəsizlik və müdafiə tərəfdaşlarını seçmək Ermənistanın suveren hüququdur. Aİ Ermənistan və Azərbaycan arasında münasibətlərin normallaşdırılması prosesində irəliləyişə nail olmaq üçün bütün səyləri dəstəkləməkdə davam edir və regionda sabit və davamlı sülhə nail olmaq üçün qətiyyətli addımları dəstəkləyir”, Stano bildirib.
